教會公同生活和誓約

A. 信徒生活綱要

阮得著上帝的恩惠，在天父、聖靈、聖子的名受洗，分別為聖，進入主的体--教會，所以當除去一切的不義與迷信。主內的兄弟姊妹當互相密切交通，常常為著榮光上帝來祈禱，阮要互相同心努力以下的各項：

1.      為遵守教會的秩序，服從教示與訓練，嚴守主日禮拜、祈禱會和其他的聚會；恭守聖餐，盡力見證，獻上時間、財物、力量，來維持教會得著復興。

2.      每日勤讀聖經、常常祈禱，完成敬虔、純潔、節制、勤勞的一生。

3.      尊重家庭禮拜，家族當保持和氣，引導兒女堅固信仰，全家一齊敬拜上帝。

4.      互相尊重人格，愛鄰舍，貢獻社會，使基督的公義行在地上。

5.      當服從上帝的旨意，同心建立上帝的國在地上，祈求和平，使全民早日歸主。

願上帝憐憫阮，使阮的心志得著達成。阿們。

XXXXXX教會 全体信徒

（本綱要在每次信徒大會後必重新確認誓願之）

B. 教會的誓約

阮得著上帝的恩惠，賞賜耶穌基督做阮的救主，使阮完全可信靠。為著要表明阮的信仰，就受洗加入主的教會。阮得著聖靈的幫助要誠心這樣誓約。

阮要互相用兄弟姊妹的慈心相愛，互相小心行事，用別人的歡喜作阮的歡喜，別人的悲哀來互相悲哀。

又阮在主日要遵守禮拜和守其他的聚會，使這間教會更加聖潔與和諧。為著教會的興旺來祈禱。也受洗禮與聖餐的典禮，又守聖經的教訓和教會所定著的規則，不想教會是由人來成的，相信是由上帝所建立的。

阮要支持這間教會，使萬人得著福音。為著使上帝的旨意得著成，阮要歡喜奉獻阮的金銀、力量、時間。

阮要為著家庭和受託的兒女祈禱，教伊會行主的道理。

阮要用清潔的心情與好的行為，與愛人的心，去引導人認識主，到主再來的時。

阮大家要這樣誠心遵守與誓約。阿們。

XXXXXXX教會陪餐信徒 全体